30 de maio de 2015

Xadrez. Torneo María Barbeito



Este venres participamos no Torneo María Barbeito de Xadrez, como xa levamos facendo varios anos. Acadamos o segundo posto. Noraboa!!!

Foi un torneo rápido e divertido.
Ao final houbo entrega de medallas e foto de familia.
Deixámosvos o enlace aquí


29 de maio de 2015

II Concurso de Blogs de aula en galego



 
Noraboa!!!

Os nosos nenos en nenas de 6º de Primaria están de noraboa porque o seu traballo foi recoñecido, xa que acadaron o terceiro premio no II Concurso de Blogs de Aula en galego, no que participaban cerca dun centenar de escolares procedentes de diversos centro da cidade.


"O terceiro premio foi para o blog “Investirruamos”, (http://investirruamos.blogspot.com.es/) desenvolto por alumnado do CEIP María Pita, que aborda temas diversos relacionados coa cidade.  

O concurso está incluído dentro das actividades desenvolvidas polo Servizo Municipal de Educación no seu programa Coruña Linguas. Os seus principais obxectivos son potenciar a comprensión e a expresión oral e escrita, ademais de fomentar a creatividade nos escolares na etapa de Educación Primaria e de aqueles que conten coa necesidade específica de apoio educativo. 

Para iso, os escolares teñen que crear e desenvolver un blog de temática libre dentro da aula escolar. Ao certame presentáronse cerca dun centenar de escolares procedentes de diversos centros da cidade. 

No caso do blog clasificado en terceiro lugar tívose en conta a variedade temática, as presentacións didácticas e a participación do alumnado."

28 de maio de 2015

Charla/coloquio. Aplicación da LOMCE na ESO



Lembrade que o sábado 30 de maio, ás 10,30 horas na Federación Prov. de ANPAS, rúa Orzán Nº 21 da Coruña, teremos unha charla/coloquio na que falaremos dos cambios no Currículo na ESO contemplados na LOMCE á que volvemos a convidarvos.



 
"Seguindo coa rolda de charlas explicativas do desenvolvemento da LOMCE e a súa aplicación na nosa Comunidade, nesta ocasión convocamosvos para falar do CURRICULO NA SECUNDARIA E BACHARELATO (itinerarios en 3º da ESO, Reválida de 4º da ESO e 2º de Bacharelato…) 

Actuarán como relatores Helena Gómez Vecino, presidenta de CONFAPA-GALICIA, e Jose M. Fuentes Fariña, en representación da Plataforma en Defensa do Ensino Público. O que pretendemos é facer desta convocatoria un espazo informativo e participativo, con todos vós."

DÍA:          SÁBADO DÍA 30 DE MAIO
HORA:     10:30 horas (duración aprox. de 2 horas)
LUGAR:   Sede da Federación Provincial, Rúa Orzán nº 21 da Coruña.

25 de maio de 2015

Novas da semana. Encontro patinaxe



Nos vos esquezades que o martes participamos no Encontro de Patinaxe que terá lugar no Palacio de Deportes de Riazor.

Esa tarde o local da ANPA permanecerá pechado.

Deixámosvos o programa para que vexades a orde das actuacións dos colexios que actúan.

Consultade o apartado da axenda semanal para ver outras novas da semana.  
Ver máis.


21 de maio de 2015

19 de maio de 2015

Novas sobre o campamento de verán


Xa temos as excursións programadas para o campamento. Podedes velas na sección do blog do Campamento

Ir á sección Campamento

IX Encontro de xogos tradicionais galego-portugueses

ENCONTRO ABERTO ÁS FAMÍLIAS

PONTE...NAS ONDAS!, BRINQUEDIA E A CÂMARA MUNICIPAL DE MELGAÇO convidan a participar no IX ENCONTRO DE XOGOS TRADICIONAIS GALEGO-PORTUGUESES que vai ter lugar o sábado 23 de maio no Centro de Estágios (Portugal).

Queres coñecer os xogos tradicionais? Queres participar nunha xornada con persoas portadoras destes saberes? Queres pasar un día en boa compañía ? Inscríbete co teu grupo e participa!!!

Ver programa

15 de maio de 2015

Listaxes definitivas de alumnado para o curso 2015-16



Xa se atopan publicadas as listaxes definitivas de admitidos na sección de Admisión no blog.

Contra a relación definitiva, as persoas interesadas poderán interpoñer recurso de alzada ante a persoa titular da xefatura territorial, no prazo dun mes contado a partir do día seguinte ao da súa publicación..

A resolución da persoa titular da xefatura territorial porá fin á vía administrativa.

13 de maio de 2015

Novas sobre a excursión de 6º Primaria

Na sección adicada á excursión de 6º de Primaria, deixamos o enlace a un arquivo con datos de interese sobre a mesma. Nese mesmo arquivo van tamén os menús dos distintos días. Ver máis

Boa viaxe!!!
Desfrutade moito!!!

Resultado da lectura pública dos votos da subvención comedor

Este martes ás 17:15 horas levouse a cabo a lectura pública dos votos para decidir o destino da subvención de comedor no salón de actos do colexio.
O resultado foi o seguinte:
  • Votos emitidos: 46
  • Votos para a opción "Repartir a subvención entre os usuarios do servizo que cumpran as condicións para iso": 9
  • Votos para a opción "Destinar a subvención ao mantemento das instalacións empregadas para dito servizo e/ou reposición ou compra de material para o mesmo": 35
  • Votos nulos: 2 (non eran usuarios do servizo durante o curso 2013-14)
Por todo isto, a decisión da asociación é destinar a subvención ao mantemento das instalacións empregadas para dito servizo e/ou reposición ou compra de material para o mesmo.

Iremos informando das xestións que se vaian realizando para facer realidade a decisión acordada.

12 de maio de 2015

Charla-Coloquio.Proba 3º de Primaria

Charla-coloquio para explicar, participar e opinar sobre esta “reválida” programada para nenos e nenas de oito anos (3º Primaria).

  • DÍA:      16 de maio (sábado)
  • HORA:  10:30 (duración aprox. 2 horas e media)
  • LUGAR: Sede da Federación Prov. ANPAS Rúa Orzán nº 21 da Coruña.




CONVIDAMOSVOS A PARTICIPAR!

11 de maio de 2015

Nova sección no blog

 

Hoxe inauguramos unha nova sección no blog, Axenda semanal, para que todo o que sucede na semana o teñades xunto e accesible. Tedes o acceso na barra de menú que está debaixo da cabeceira onde se atopa a foto do colexio e o noso logo

10 de maio de 2015

Excursión de 6º Primaria. Novas

Esta semana os nosos nenos e nenas de 6º de Primaria vanse de excursión.

Pero antes, este mércores ás 17:00 horas, haberá unha reunión dos nenos e nenas cos monitores que van ir con eles á excursión.

Lembrade, mércores 13 de maio ás 17:00 horas no comedor do colexio.

Curso online sobre Seguridade TIC e menores de idade



Para as novas xeracións, nacidas na era de Internet e as redes sociais, as tecnoloxías da información e a comunicación (TIC) forman parte da súa vida cotiá, o que xerou un cambio nas formas de comunicación e de relación entre as persoas; beneficiándose das innumerables vantaxes que leva consigo: información ao seu alcance, posibilidade de comunicación coas súas amizades, ocio a través de vídeos, música, xogos, etc.

Aínda que son indubidables os beneficios e oportunidades que ofrecen estas ferramentas, debemos ser conscientes que tamén entrañan riscos e perigos, sobre todo nos menores de idade, que acceden dende moi pequenos ao mundo dixital, as redes sociais, os teléfonos móbiles ou as súas aplicacións.

O labor de pais, nais, titores e educadores é un factor clave e primordial no diagnóstico, prevención e actuación ante estas situacións, debendo acompañar aos seus menores no uso responsable das TIC e Internet.

O curso "Seguridade TIC e menores de idade" formúlase coa finalidade de que pais, nais, titores e educadores coñezan e interioricen os diferentes riscos aos que se poden enfrontar os menores de idade, no seu uso cotián das novas tecnoloxías da información e a comunicación (TIC).

Os contidos deste curso online preséntanse en obxectos de aprendizaxe multimedia, a través de secuencias que abordan os riscos TIC dunha forma práctica e amena, baseadas en casos/situacións, tanto no ámbito familiar coma no escolar. Ademais, os estudantes dispoñerán de múltiples materiais e recursos (unidades didácticas, xogos/actividades para o fogar, monográficos, etc.), e terán a oportunidade de compartir de forma colaboradora experiencias e actividades usando ferramentas e aplicacións 2.0.

Duración: 6 semanas. | 30 horas lectivas.
Empeza o luns 25 de maio e remata o luns 6 de xullo de 2015.

Enlace para matricularse:
http://formaciononline.chaval.es/courses/RED.ES/SEG_TIC_002/2015_T2/about