29/11/2014

Rifas de Nadal


Xa NON quedan talonarios para as rifas para a cesta de Nadal!!!

Lembrade que hai que devolver as rifas non vendidas e o diñeiro antes do 15 de decembro.

As rifas para o sorteo da cesta de Nadal corresponden ao sorteo de Loteria Nacional do xoves 18 de decembro de 2014. O sorteo chámase así "Sorteo del jueves" que é como aparece nas rifas.
Lembaramos que para recoller a cesta hai que traer a rifa e que ésta caduca aos sete días da celebración do sorteo.
 
Pódese vir buscar a cesta o venres 19 de decembro de 2014 pola tarde, na festa de Nadal.

Se non lle tocase a ninguén a cesta no sorteo, farase un sorteo cos números vendidos e, ao azar, escollerase un. Contactarase coa persoa que vendeu ese número para ver de localizar ao gañador.

28/11/2014

Campaña de esquí - 2015


CAMPAÑA DE ESQUÍ - 2015
DEPUTACIÓN PROVINCIAL DA CORUÑA


Ver información e ficha de inscrición

Campaña de inverno para rapaces e rapazas nados nos anos 2001, 2002, 2003, 2004, 2005, residentes en calquera municipio da provincia.


Os participantes gozarán dunha fin de semana na estación de Manzaneda ademais dos cursiños de esquí.

Ao municipio da Coruña correspóndelle a 3ª quenda do 13/02/2015 ó 15/02/2015

Inscrición:
Nos concellos respectivos

Información:
Gabinete de Deportes da Deputación da Coruña
Telf.: 981 080 327 - Correo e.: gabinete.deportes@dicoruna.es
www.dicoruna.es/deportes/actividades

INSCRICIÓNS:
No teu concello con data límite o 19 de decembro de 2014
(Os concellos adiantaranlle a Deputación, unha vez feito o sorteo, a listaxe dos nenos e nenas, tanto por rexistro de entrada como no correo e.: gabinete.deportes@dicoruna.es, con data límite o 30 decembro de 2014)

INFORMACIÓN XERAL

LUGAR: A Pobra de Trives (Ourense)
ALOXAMENTOS: Estación Invernal de Manzaneda.
DURACIÓN: unha fin de semana, entrada o venres antes da cea, saída domingo despois da comida.

COTA DE INSCRICIÓN: No transcurso da inscrición será facilitado pola Deputación un número de conta onde se aboará a cota de 60 €, facendo constar o nome do neno, concello e CAMPAÑA DE ESQUÍ
2015.
INCLÚE: Transporte, estadía e manutención en hotel na estación invernal de Manzaneda, monitores, clases de esquí, seguros, alugamento de material incluído o casco, remontes mecánicos e todo o gasto que ocasionen as actividades e cursos programados.

DOCUMENTACIÓN QUE SE ENTREGARÁ
DOCUMENTACIÓN:
para a formalización da inscrición debes entregar no teu concello:
1.- Ficha de inscrición debidamente cuberta e asinada polos pais ou titor/a do/a solicitante
2.- Unha foto tipo carné
3.- Fotocopia da tarxeta sanitaria
4.- Carné de identidade ou fotocopia do libro de familia.
5.- Copia de aboamento da cota de inscrición. (Cando a praza estea confirmada e no número de conta dado pola Deputación e publicado na súa web)
6.- No caso de que o neno/a tivese tratamento ou doenza que teña que ser tido en conta, axuntarase
certificado médico asinado por facultativo. De igual xeito no caso de medicación específica ou alerxia alimentaria ou doutro tipo.

EQUIPO RECOMENDADO- Guantes.
- Gorro.
- Gafas de esquí e de sol.
- Anorak térmico.
- Pantalón impermeable ou similar.
- Pixama, roupa interior.
- Roupa de rúa (pantalóns, zapatos, suadoiros).
- Equipamento deportivo (camisetas, pantalóns,
calcetíns, chanchetas para ducha, chándal e zapatillas
de deportes).
- Toallas de baño.
- Útiles de aseo (xampú, peite, pasta de dentes e cepillo, desodorizante).
- Crema protectora do sol, factor 15 mínimo.
- Chuvasqueiro.
- Mochila pequena.
- Bañador, toalla, gorro e gafas para piscina.

IMPORTANTE:

O material propio da actividade deportiva, entregaráselle a cada participante durante a celebración
da Campaña de Esquí.

24/11/2014

Xogade. Atletismo


Este sábado, 29 de novembro de 2014, comezan as competición de XOGADE. Teremos que estar antes das 10:30 horas no circuito.

1ª Xornada de Campo a través no Circuíto de Mondego (Sada). 

Autobús ás 9:30 horas na porta de buses do colexio

Ver información no blog de Atletismo

20/11/2014

Eleccións ao Consello Escolar

Lembrade que o luns 24 de novembro de 2014, celébranse as eleccións ao Consello Escolar.
O horario será dende as 17:00 da tarde ata as 20:00 horas.
Traede o DNI. Poden participar todos os pais, nais e titores legais que estean no censo. 

 Polos nos@s fill@s!!!               Participemos!!! 

18/11/2014

III Xogos Escolares: Xadrez. Torneo Novembro (venres 21)



Lembrade que este venres voltamos a desfrutar dunha tarde de Xadrez no Palacio dos Deportes de Riazor. Continuanos coas partidas do torneo deste mes de novembro.

Máis información no noso blog de Xadrez.

17/11/2014

IV Concurso Escolar de Postais de Nadal (Concello da Coruña)


IV CONCURSO DE POSTAIS DE NADAL
Poderán participar todos os escolares de Educación Infantil e Primaria escolarizados nos centros educativos do Concello da Coruña
Bases
1. O tema das postais será a felicitación do Nadal e do Ano novo.
2. A técnica será libre. Non entanto, as purpurinas e as tintas metálicas non serán admitidas.
3. As dimensións máximas das postais serán 210 x 297 mm (A4). O formato da imaxe será libre sempre e cando respecte as dimensións anteditas e por unha soa cara.
4. Non se admitirán os traballos que veñan pregados.
5. No reverso da postal constará:
  Título do traballo.
  Nome e apelidos da autora ou autor.
  Curso e nome do centro educativo.
6. Haberá dous premios, que serán dous vídeo consolas. A mellor postal será a felicitación oficial do Concello do Nadal e Ano Novo.
7. As postais entregaranse ou remitiranse a:
IV CONCURSO ESCOLAR DE POSTAIS DE NADAL
Concellaría de Educación, Deportes e Xuventude
Casa Paredes. Avda. da Mariña, 18 - 2a
15001 A Coruña
8. O prazo de presentación das postais ábrese o 17 e péchase o 28 de novembro 2014.
9. O xurado estará composto polo Concelleiro de Educación, Deportes e Xuventude ou persoa en quen delegue, e catro vogais que serán dous técnicos de Educación e outros dous de Cultura.
10. A resolución do xurado darase a coñecer o 5 de decembro de 2014. O resultado comunicaráselle directamente ao centro e ao mesmo tempo remitirase aos medios de comunicación.

12/11/2014

III Xogos Escolares. Xadrez

Este venres, comezan os III Xogos Escolares, na modalidade de Xadrez.

Máis información no blog de Xadrez.



Preparando o Magosto


Hoxe pola tarde comezaremos coa "picada" de castañas para preparar todo para o tradicional magosto que se celebrará no colexio este venres.

Os pais, nais, e demais familia, que queira e poida unirse para facer ese traballo previo ao magosto, esta tarde estaremos na porta do local da ANPA dende as 16:15 ata as 18:00 horas.

Se hoxe non acabamos, seguiremos mañan no mesmo horario e lugar.


Lembrade tamen ir preparando o "castañeiro" para que os nenos e nenas poidan recoller o venres as castañas.
 
Grazas anticipadas.

06/11/2014

Charla sobre Consellos Escolares


Este sábado, 8 de novembro ás 10:30 horas, haberá unha charla na sede da Federación Provincial ANPAS para coñecer qué é o Consello Escolar, quén forma parte del, qué competencias ten, cómo se renova, etc.


Falarán das eleccións a Consellos Escolares, instrumento de participación na vida escolar de todos os sectores educativos do Centro Escolar. Organizamos na sede da Federación unha charla coloquio para falar da importancia e do dereito, agora máis que nunca coa aprobación da LOMCE, da participación das nais e pais no principal órgano de xestión e control do Centro no que están os nosos fillos e fillas.


LEMBRADE:

DÍA: SÁBADO, DÍA 8 DE NOVEMBRO
LUGAR: Federación Provincial ANPAS (Rúa Orzán, 21 -  A Coruña)
HORA: 10:30 horas


05/11/2014

Reunión Comedor




O próximo xoves 6 de novembro de 2014 ás 16:15 horas, no comedor do colexio, celebrarase a primeira reunión periódica de comedor, como se acordou de facer, para valorar e ver como vai o servizo. Acudirá tamén o persoal que están normalmente cos nosos fillos no comedor (coordinadora, monitores e resto de persoal).
Atentamente,
A Directiva da ANPA Xanela