30 de set. de 2015

Comezo das actividades do xoves

Mañá comezan as primeiras actividades:
  • Atletismo
  • Baile Moderno
  • Guitarra
  • Informática
  • Judo
  • Obradoiro de Inglés
  • Patinaxe
  • Prepatinaxe
  • Piano
Listen and Speak comezará o martes 6 de outubro.

Comedor

Xa está o menú para o trimestre que comeza mañá no apartado Menu comedor (Ver)
Lembrade que hoxe día 30 de setembro, houbo un cambio no menú, do que se avisou a través do correo electrónico indicado na solicitude de comedor, se foi o caso.
 
Menú programado                                                   Menú despois do cambio
Arroz con salchichas                                                   Spaguettis con tomate                                
Merluza Orly con ensalada                                          Merluza Orly con ensalada
Fruta                                                                           Fruta

29 de set. de 2015

Novas sobre as actividades

Temos nova información sobre as actividades.

Grupos confirmados:

  • POE. Luns e venres. Comeza o venres 2 de outubro. Deben vir estos días a formalizar a inscrición.
  • Ximnasia rítmica. Dous grupos. Comeza o luns 5 de outubro
  • Ritmo. Dous grupos. Comeza o luns 5 de outubro
  • Prepatinaxe. Catro grupos. Comeza o xoves 1 de outubro
  • Patinaxe. Comeza o xoves 1 de outubro, pero deben anotarse máis...
  • Xadrez. Dous grupos. o venres 2 de outubro

Procederase ao chamamento das listas de espera en función de como vaia progresando a actividade.

O resto das actividades, a día de hoxe, forman grupo todas, agás Manualidades, Multideporte, Predeporte, Habilidades emprendedoras e Yoga (maiores).

Aínda podedes anotarvos a Hockey e Movemento (adultos), que comezarán previsiblemente o xoves 15 de outubro.

Das que hai grupo algunhas xa están pechadas e hai lista de espera.

Informádevos no local da ANPA, de luns a xoves de 16:15 a 18:00 horas.


24 de set. de 2015

Estado de prazas nas actividades

A día de hoxe, aínda vos podedes apuntar ás seguintes actividades, a ver se formamos grupo:

  • Patinaxe, (3º a 6º Primaria) os martes e xoves de 17 a 18 horas.
  • POE (Ed. Infantil e 1º e 2º Primaria) Todos os días de 16 a 18 horas.
  • Piano, (mércores de 17 a 18 horas e xoves)
  • Multideporte (luns e mércores de 16 a 17 horas)
  • Predeporte (luns e mércores de 17 a 18 horas)
  • Manualidades (luns ou mércores de 16 a 18 horas)
  • Hockey (martes e xoves de 18 a 19 horas)
Do resto das actividades podédesvos informar no local da ANPA de luns a xoves de 16:15 a 18:00 horas.

Animádevos a participar!!!

21 de set. de 2015

Inicio do Outono

Segundo cálculos do Observatorio Astronómico Nacional (Instituto Xeográfico Nacional - Ministerio de Fomento), o outono de 2015 comezará o mércores 23 de setembro ás 10h 21m hora oficial peninsular, ás 9h 21m en Canarias. Esta estación durará 89 días e 20 horas, e terminará o 22 de decembro co comezo do inverno.

Durante o outono de 2015 producirase unha eclipse total de Lúa (o 28 de setembro), que será visible desde España. En canto aos planetas, o ceo matutino estará dominado por Venus (moi brillante ao comezo da estación), Marte e Xúpiter. A eles unirase Saturno ao final do outono. O principio da noite estará dominado por Saturno ata mediados de novembro.

Por outra banda o domingo día 25 de outubro terá lugar o cambio de hora, recuperando o horario de inverno.

(Fonte: Ministerio de Fomento)

Fin do periodo de adaptación



Esta semana remata o periodo de adaptación para os nenos e nenas de 4º E.I.

O xoves 24 de setembro xa asistirán no horario normal. Tamén hai algúns que xa comezan no servizo de comedor. É importante que avisemos aos titores de que o neno ou nena se queda ao comedor e os días que o fai.


Lembrade mandarlles, aos que van a comedor, un pequeno neceser co cepillo e a pasta de dentes. Marcade todo co nome do neno ou nenas.

É bo que marquedes as chaquetas co nome do neno ou nena, incluso o curso, así se quedan esquecidas no colexio, será máis doado atopalas.

Feliz comezo!!!

15 de set. de 2015

Actividade: NENOOS

Este mércores 16 de setembro ás 18 horas virán a presentar unha nova actividade dende NENOOS
Os beneficios da actividade son entre outros,
desenvolver capacidades: atención, concentración, memoria, resolución de problemas, capacidade matemática, creatividade, etc.

Se non podedes asistir na sua web teñen información sobre os seus programas e tamén este mes tedes talleres gratuitos:


Talleres gratuitos NENOOS 360

19 Y 25 DE SEPTIEMBRE Y 2 DE OCTUBRE
NENOOS A Coruña
NENOOS A Coruña organiza talleres gratuitos para dar a conocer su metodología educativa; un método educativo integral para desarrollar la inteligencia de los más peques de forma divertida y eficaz a través de un enfoque tridimensional: MIND+BODY+EMOTION (mente+cuerpo+emociones)

Días y horario:
Sábado 19 de septiembre: 11h y 12h
Viernes 25 de septiembre: 17h y 18h
Viernes 2 de octubre: 17h y 18h
Lugar: Centro NENOOS A Coruña, C/Manuel Azaña 41 bajo dcha. Los Rosales
Edades: de 3 a 13 años
Inscripciones: info@nenoos.es o en el 881 879 396

Las plazas son limitadas ¡TE ESPERAMOS!

Actividade: Habilidades emprendedoras


Onte presentáronnos unha nova actividade moi interesante para os nosos fillos. Sería os martes e xoves de 16 a 17 horas.

Deixámosvos o enlace á páxina de Líbolis, por se queredes ter máis información.


11 de set. de 2015

Horario provisional de actividades curso 2015-16

Xa tedes no apartado de Actividades o horario para este curso. Pero lembrade que é provisional.
Así os vades facendo unha idea para a reunión do luns!


Natación escolar 2015-16

A Campaña de Natación Escolar vai dirixida aos escolares de 3º e 4º de Primaria

O número de prazas ofertadas para o noso colexio é de 25.

A Campaña levaras a cabo na Piscina do Clube do Mar os Martes de 16:30 a 17:15h. Sairán do colexio ás 15:45 e regresarán ás 17:45 horas.


O custo por alumno é de 53,47 €. Esta cota inclue o traslado dende o centro e unha cobertura sanitaria.

As inscrición faránse no local da ANPA a partir do martes 15 de setembro. O prazo máximo de inscrición para os escolares remata o día 18 de setembro.

A data de comenzo prevista da Campaña de Natación Escolar será o 6 de outubro.

Reunión actividades curso 2015-16

Non vos esquezades de vir á reunión do luns!!!


Listen and Speak. Aberto o prazo de inscrición

Xa está aberto o prazo para facer a inscrición para a actividade de Listen and Speak.
Trátase dun programa de comprensión auditiva e expresión e interacción oral en lingua inglesa.
Está orientado á certificación internacional do Trinity College London, dacordo cos niveis do Marco Europeo das linguas.

Trimestralmente se fará unha revisión do número de asistentes para comprobar que se mantén a ratio mínima, de non ser así, e previo aviso, poderase suspender a actividade para o seguinte trimestre.
Ratio mínima de 12 e máxima de 15 persoas.
 

Período de realización
Do 6 de outubro de 2015 ao 31 de maio de 2016

Horario Cada grupo recibirá dúas horas semanais, distribuídas en días alternos cos seguintes horarios no noso colexio:
  • 3º e 4º Primaria. Martes e xoves de 16:00 a 17:00 horas
  • 5º e 6º Primaria. Martes e xoves de 17:00 a 18:00 horas
Inscrición
A inscrición farase na web educativa do concello. Deixamos aquí o enlace. Ficha de inscrición on-line
O prazo de inscrición é do 10 ao 25 de setembro
As prazas adxudicaranse por rigorosa orde de inscrición.

As listaxes de admitidos publicaranse na web educativa (www.edu.coruna.es) a inicios de outubro.
 
Criterios para a admisión:
1. Escolares do propio centro seleccionados por riguroso orde de inscrición.

2. Escolares doutros centros (sempre que o aprobe o Consello Escolar do centro receptor)

Unha vez comezado o programa, poderá haber novas altas sempre e cando queden prazas vacantes no grupo que se solicita. No caso de non quedar prazas, o solicitante pasará a formar parte dunha listaxe de agarda

8 de set. de 2015

Transporte curso 2015-16



Xa están na web do colexio as listaxes de alumnado admitido no servizo de transporte curso 2015-16
Ver listas

Programa Bolsas de comedor do Concello da Coruña

Onte, 7 de setembro, publicánronse as listas definitivas de solicitudes admitidas e desestimadas da convocatoria pública correspondente ao programa de "Comedores escolares" curso 2015-2016.

Débese formalizar a alta no programa nos centros cívicos municipais correspondentes por domicilio, respectando o comezo dos comedores escolares establecido pola Xunta de Galicia, que no caso de Educación Infantil e Primaria é día 10 de setembro.

As reclamación a estas listas faráse a través dos Rexistros municipais (preferentemente).

A lista poderase consultar tamén na web municipal de servizos sociais. Ver máis

7 de set. de 2015

Comezan as clases


Este xoves 10 de setembro comezan as clases, e tamén os servizos de Madrugadores e Comedor. Nós tamén abriremos o local no noso horario habitual .(de luns a xoves de 16:15 a 18:00)
O Periodo de Adaptación de 4º E.I. finaliza o mércores 23 e o xoves 24 de setembro xa terán horario normal de 9 a 14 horas.
As actividades darán comezo en Outubro.
Lembrade que este luns e martes, 7 e 8 de estembro se entregarán os lotes de libros aos solicitantes do Fondo Solidario de 3º e 5º de Primaria. Será no salón de actos do colexio de 16:30 a 18:30. So poderán entregarse á persoa solicitante do Fondo, que se identificará co seu DNI ou outra persoa autorizada e debidamente acreditada.
Deixámosvos un modelo de autorización por se o necesitades.
Descargar autorización

Feliz comezo!!!

1 de set. de 2015

Axudas para a adquisición de material escolar

Hoxe publícase no DOG a ORDE do 25 de agosto de 2015 pola que se convocan axudas para a adquisición de material escolar destinadas ao alumnado matriculado en educación primaria, educación secundaria obrigatoria ou educación especial en centros sostidos con fondos públicos para o curso escolar 2015/16.
A Consellería de Cultura, Educación e Ordenación Universitaria concederá unha axuda por importe de 50 euros por alumno/a que reúna os requisitos previstos nesta orde, cando a renda per cápita familiar no ano 2013 sexa igual ou inferior a 5.400 euros.
Lugar e prazo de presentación de solicitudes:
  • Os formularios de solicitude poderán obterse na guía de procedementos e servizos no enderezo https://sede.xunta.es, nas xefaturas territoriais da Consellería de Cultura, Educación e Ordenación Universitaria e tamén se poderán descargar en formato PDF do portal educativo no enderezo electrónico http://www.edu.xunta.es
  • As solicitudes deberán presentarse en soporte papel, preferentemente no centro en que estea matriculado o alumno ou alumna, ou en calquera dos lugares e rexistros establecidos no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común, utilizando o formulario normalizado dispoñible na sede electrónica da Xunta de Galicia (https://sede.xunta.es) .
  • O prazo de presentación de solicitudes será dun mes contado a partir do día seguinte ao da publicación desta orde no Diario Oficial de Galicia. Pódense presentar a partir do 2 de setembro de 2015
A documentación que hai que achegar xunto á solicitude será a seguinte:
  • Copia do DNI ou NIE dos membros computables da unidade familiar, cando non autoricen a consulta telemática.
  • Copia do libro de familia onde figuren todos os membros computables da unidade familiar.
Só no caso de non ter libro de familia ou se a situación familiar, no día 31 de decembro de 2013, non coincide coa reflectida no libro, terá que presentarse documento ou documentos acreditativos do número de membros da unidade familiar, tales como:
1º. Sentenza xudicial de separación ou divorcio e/ou o convenio regulador onde conste a custodia do causante.
2º. Certificado ou volante de convivencia.
3º. Informe dos servizos sociais ou órgano equivalente do concello de residencia que acredite a situación familiar.
  • Declaración do imposto sobre a renda das persoas físicas do ano 2013 ou, na falta desta, o certificado tributario de imputacións dos membros computables da unidade familiar distintos da persoa solicitante, cando non autoricen a consulta telemática.
  • No caso de discapacidade igual ou superior ao 33 % dalgún membro da unidade familiar, incluído/a o/a alumno/a, deberá presentarse un dos seguintes documentos que acrediten esta circunstancia en 31 de decembro de 2013:
1º. Certificado emitido polo órgano competente.
2º. Resolución ou certificado emitido pola Seguridade Social de percepción de pensión de incapacidade permanente nos graos de total, absoluta ou grande invalidez, ou
3º. Documentación acreditativa da condición de pensionista de clases pasivas cunha pensión de xubilación ou retiro por incapacidade permanente para o servizo ou inutilidade.
  • No caso de situación de violencia de xénero no ámbito familiar: documentación acreditativa.