26/03/2015

Concurso de debuxo 2015. Entrega de premios e agasallos



Hoxe fichemos entrega dos premios e agasallos aos participantes no Concurso de debuxo 2015 na biblioteca do colexio.

O gañador foi un neno de 4º E.P., e como a elección estivo complicada, o xurado tomou a decisión de conceder a outro debuxo un accésit, que foi para unha nena tamén de 4º E.P.

Para agradecer dende a ANPA o traballo dos participantes, todos os nenos e nenas levaron un agasallo.

Deixámosvos aquí o enlace ás fotos. Fotos entrega de premios

Norabóa a tod@s!!!




24/03/2015

Investirruamos A Coruña. Blog dos rapaces e rapazas de 6º E.P.

Investirruamos A Coruña
Hoxe queremos presentarvos un novo blog dos rapaces e rapazas de 6º E.P..
Nel van explorar, descubrir e mostrarnos as nosas rúas, barrio, espazos, xentes, ... en resumo, a nosa cidade.

Botádelle unha ollada!

Deixámosvos aquí o enlace, e tamén o tedes no apartado Enlaces do noso blog, que tamén o actualizamos. Desexamos que vos guste!!!!


22/03/2015

V Carreira popular Torre de Hércules. Sábado 28.03.2015

Mañá é o último día para confirmar que os vos@s fill@s van participar na carreira do sábado 28 na Torre. Ide ao apartado de inscritos e  buscade ao vos@ fill@. Aínda que aparece confirmado no estado, parece ser que se o nome do vos@ fill@ está en vermello debedes confirmalo. Para elo, pinchade no nome do nen@ e seguide os pasos que se vos indican.
Deixámosvos o enlace: Inscrición ou Confirmación



17/03/2015

Concurso de Debuxo. Debuxos participantes

Xa temos os debuxos participantes no Concurso de Debuxo que celebramos sempre sobre estas datas, coa finalidade de seleccionar o debuxo que representará ao noso colexio no concurso para a confección do cartel anunciador da Mostra de Actividades Culturais, que este ano xa celebra a edición XIX.

Este ano a Mostra terá lugar os días 6, 7, 8 e 9 de maio de 2015, e coma sempre será no Forum Metropolitano.
En canto tiñamos máis información, farémosvola chegar.

Deixámosvos o enlace aos debuxos participantes.


Becas comedor. Concello da Coruña



É obxecto desta convocatoria a regulación da concesión de bolsas de comedor para o curso 2015-2016 destinadas a familias do Concello da Coruña en desvantaxe social e con menor poder adquisitivo, que serán incompatibles con calquera outra axuda doutras institucións públicas ou privadas que puidese percibirse coa mesma finalidade.

Dirixido a: unidades familiares de convivencia con menores de idade a cargo escolarizados en centros de ensino do termo municipal da Coruña sostidos con fondos públicos que conten con servizo de comedor.

O prazo de presentación será de 15 días hábiles contados a partir do día seguinte ao da publicación destas Bases no Boletín Oficial da Provincia de A Coruña.


Máis información:

05/03/2015

Novas de xadrez. Torneo de Febreiro


Lembramos que este venres, 6 de marzo, non haberá torneo de xadrez.

En marzo teremos dúas xornadas, o 13 e o 27. Este torneo será de xadrez normal.

Deixamosvos aquí o enlace aos resultados do Torneo de Febreiro de Pasapezas.

Resultados Torneo de Febreiro