26/01/2017

Resultados medicións fibras (obras do CEIP Ramón de la Sagra)


Achegamos comunicado que nos enviaron onte dende a ANPA Rasa do CEIP Ramón de la Sagra sobre as medicións realizadas para ver a presenza de fibras no aire ata o día 19 de xaneiro.





23/01/2017

Fin da retirada do fibrocemento no CEIP Ramón de la Sagra

Dende a ANPA Rasa do CEIP Ramón de la Sagra, infórmannos do seguinte:
Comunicámoslles que, segundo informa a empresa adxudicataria das obras no Centro, a retirada das placas de fibrocemento quedou rematada na tarde do venres.
A substitución da cuberta das zonas do edifico que só contan con planta baixa realizarase en período de vacacións –Entroido ou Semana Santa- debido a carecer de forxado.
Esta semana volverán á normalidade as distintas actividades afectadas.

19/01/2017

Búscanse valentes contra o acoso escolar

 
"Búscanse valentes" contra o acoso escolar, a nova campaña de 12 Meses ten como obxectivo: concienciar, axudar a detectar e combater o acoso escolar onde sempre existe un acosador, unha vítima e unha testemuña. Esta campaña lanza unha mensaxe directa aos que conforman o circulo de testemuñas. Só eles os valentes, os que se atrevan a traspasar o silencio e situar xunto á vítima, conseguirán romper a dinámica do acoso.

O obxectivo é chegar aos mozos e mozas a través da música. Coa colaboración especial de Juan Manuel Montilla "O Langui", creouse un rap cargado de mensaxes positivas, porque a forza do valente está no corazón!!!

Únete á campaña entrando en www.sebuscanvalientes.com e ármate de valor e ferramentas para loitar contra o acoso. 

17/01/2017

Información sobre as obras no CEIP Ramón de la Sagra

Foto: La Voz de Galicia
Como xa sabedes, o CEIP Ramón de la Sagra leva uns meses en obras. Nestas obras vaise cambiar a cuberta do centro que é de fibrocemento. Os pais e nais do centro levan tempo tentando parar as obras e piden que estas se leven a cabo fora do período lectivo. A última acción levada a cabo foi poñer o caso en coñecemento da Valedora do Pobo, quen reitera que o alumnado, por vulnerabilidade e por principio de precaución, non debe estar no centro durante as obras, polo que deberían realizarse en período vacacional. E tamén indica, con respecto ao retirada da cuberta, que, xa que non existen niveis de exposición que sexan seguros, debe realizarse unha medición ambiental de fibras antes de que se reinicie a actividade escolar.

Neste intre, as obras continúan e onte comezou o cambio da cuberta. Confirmábase que as obras realizaranse co calendario previsto. A retirada da cuberta farase a partir das 16 h, sempre que as condicións meteorolóxicas o permitan, como xa anunciaran. Está prevista a retirada de toda a cuberta agás a correspondente á zona da biblioteca, aula de música e comedor, especialmente sensibles por carecer de forxado.

Hoxe moitos nenos e nenas do Ramón de la Sagra non irán ao cole e non o farán nas próximas 2 semanas.

Como nos afecta isto á nosa comunidade educativa? Dende a ANPA, pensamos que aínda que o noso alumnado non estea nese centro, si estamos afectados pola obra en si, pero non solo nós, senón tamén todos os veciños da contorna e sentimos que non nos teñen en conta. Non temos información directa da administración. Toda a información que nos chega, o fai a través da Comisión de obras que se formou polo tema, formada por pais e nais do Ramón de la Sagra.

Este tema esta xerando moitas dúbidas e inquedanzas as que pensamos que alguén ten que dar resposta. Se as familias do CEIP Ramón de la Sagra cren que os seus fillos e fillas non poden asistir ao colexio polas mañás, polo temor a estar expostos ás fibras de amianto, que pasa co alumnado do noso centro e cos veciños da zona?

Lembrade ademais, que os nosos fillos e fillas están nas actividades extraescolares cando se fai a retirada da cuberta. Cal é a distancia de seguridade que hai que manter? Non está clara, e como medida de prevención, as actividades do exterior cambiarán a súa ubicación, para facer que a distancia sexa maior. Tamén pode ser que se vexan afectadas na súa rutina de clase, pero cremos que, por mor da falta de información e o máis axeitado.

09/01/2017

Estamos de volta!!!


Estamos de volta!!!


Hoxe voltamos á rutina en todos os servizos e actividades.

Xa tedes o menú de comedor para este trimestre no apartado de Menú Comedor. Ver

O proximo mes de Maio teremos a Mostra de Actividades dos nosos nenos no Forum Metropolitano e algunhas cousas mais que vos iremos contando.

Lembrade que o noso horario de apertura do local é de 16:15 a 18 horas de luns a xoves.