Bo Nadal!

Dende a ANPA Xanela desexámosvos

Bo Nadal para toda

 a Comunidade Educativa 

e as súas familias!!

Hoxe martes...

Hoxe é o último día para recoller as invitacións para a Festa de Nadal de mañá.


Lembrade que non se darán invitacións nin se venderán entradas o día da festa.

Animádevos a participar!!!

Concurso de Postais do colexio. Gañadoras

Noraboa!!!

Felices Festas!!!

Proxecto de voluntariado

Título do proxecto: Muxelka Volunteers Theory, coordinador Asociación Cultural Muxelka, proyecto de Servicio Voluntario Europeo financiado por el programa Erasmus+

 

Este curso temos con nós a unha persoa que fai que os nosos nenos e nenas practiquen o inglés e ademais de ver outras culturas e tradicións. 

Tamén os nenos e nenas lle ensinan as nosas tradicións, como a do Magosto

Proxecto enriquecedor para tod@s!

Benvida Iiulia!

Cambio menú última semana

Para a próxima semana o menú vai ser modificado. Os nenos e nenas poderán desfrutar para a última semana de colexio do seguinte menú:

• Luns 19 Decembro
• 1ºPrato: Arroz con verduriñas en lugar de Lentellas con chourizo
• 2ºPrato: Pescada en salsa con patacas en lugar de Pizza de xamón e queixo
• Sobremesa: Froita (sen cambios)

• Martes 20 Decembro (sin cambios)

• Mércores 21 Decembro
• 1ºPrato: Ensalada completa en lugar de Arroz con verduriñas
• 2ºPrato: Pizza de xamón e queixo en lugar de Pescada en salsa verde con patacas
• Sobremesa: Postre navideño en lugar de Froita

Dende Jardanay deséxannos Felices Festas!! 

A Hora do Código UDC 2016

O vindeiro sábado 17 de Decembro ás 12:00, a Universidade da Coruña (UDC) organiza A Hora do Código UDC 2016, un evento destinado a nenas e nenos de 8 a 14 anos co obxectivo de que se inicien na programación de ordenadores dunha forma amena, divertida e directa. De feito, este evento denomínase A Hora do Código porque ten unha duración exacta dunha hora.

A Hora do Código (https://hourofcode.com/es) é unha iniciativa de code.org, unha organización pública sen ánimo de lucro dedicada a promover as Ciencias da Computación en escolas e institutos, cunha especial atención en incrementar o número de mulleres e estudantes de colectivos minoritarios que aprenden a programar.

A Hora do Código UDC 2016 ten o mesmo obxectivo didáctico que o evento global: ensinar aos nenos e nenas conceptos fundamentais de programación mediante ferramentas gráficas baseadas en bloques que poden realizar unha acción concreta como mover un personaxe nunha escena ou debuxar unha forma. Pero ademais, o noso evento ten un segundo obxectivo: pretende ser un punto de reunión para todos aqueles nenos e nenas da provincia da Coruña que estean interesados na programación ou simplemente queiran coñecer este mundo. Para logralo, A Hora do Código UDC 2016 celebrarase na Facultade de Informática, e ademais de pór a disposición dos participantes os nosos computadores e aulas, todos os que acudan en persoa ao evento recibirán un diploma personalizado.

Para participar na Hora do Código UDC 2016 só tedes que seguir 2 pasos moi simples:

1- Rexistrarse no evento, seguindo as instrucións da páxina web.
2- Vir o sábado, 17 de Decembro, ás 11:30 á Facultade de Informática da UDC.

Aquí tedes toda a información que podades necesitar: http://hourofcode.fic.udc.es/#site-header

Deporte no centro.

Se queredes darvos de baixa nalgunha actividade do programa de Deporte no Centro (Ximnasia rítmica, Prepatinaxe, Patinaxe e Xadrez) tedes que facelo antes do 16 de decembro

POE. 2º trimestre

Ata o 16 de decembro podedes anotarvos na actividade de POE e os que xa estades inscritos renovar para o 2º trimestre