26 outubro, 2015

Novas sobre o comezo do Obradoiro de Iniciación á Curtametraxe en Galego


O Obradoiro de Iniciación á Curtametraxe en Galego non comezará hoxe, segundo nos informan dende o concello.

A previsión é que empece o xoves 29 de outubro ás 17:10 horas.

Esta semana...


Lembra que esta semana é máis curta...
  • Non haberá clase nin o venres 30 de outubro, Día do Ensino en Galicia 
  • Nin tampouco o luns seguinte, 2 de novembro, por ser festivo na Comunidade Galega.
Tes a información da semana na Axenda semanal

22 outubro, 2015

Participación on line no proceso participativo "A Porta Aberta"

Achegamos información sobre o proceso participativo "A Porta Aberta", por se é do voso interese

 
Moitas veciñas e vecinos coruñeses participaron nos 22 encontros presenciais que xa se celebraron nos barrios, e que aínda non remataron. Os encontros veciñais que quedan pendentes son os seguintes:
  • Venres 23 de outubro, no Centro Cívico de Elviña, ás 18:00 h
  • Martes 27 de outubro, no Ágora, ás 18:00 h
  • Mércores 28 de outubro, no Centro Cívico de Rosales, ás 18:00 h
  • Xoves 29 de outubro, na Asociación Tempo Novo, no Lugar de Elviña, ás 19:30 h
  • Venres 30 de outubro, no Centro Cívico de San Pedro de Visma, ás 19:00 h
Está programado un encontro específico para recoller a participación das entidades veciñais da cidade e, ademáis, estanse levando a cabo outras xuntanzas de carácter sectorial, nas que participan entidades empresariais dos polígonos comerciais de Agrela e Pocomaco, empresas de limpeza, asociacións de taxistas e correos, Colexio de Arquitectos e a Universidade.

Ata o de agora tivemos unha alta participación e recollimos moita información para volcar no traballo de definición dos futuros distritos en que se organizará a cidade, e que suporá un importante acercamento do Concello á veciñanza, e a posibilidade de implantar procesos de participación tan relevantes como os orzamentos participativos.

Aínda así, pretendemos que "a porta esté aberta" ata o final do proceso. Aberta á participación de todas as persoas que non puideron estar presentes nos encontros presenciais dos seus barrios, ou que non tiveron coñecemento deste proceso participativo.

Polo tanto, animámosvos a que participedes a través da páxina web do proxecto, e pedímosvos que fagades difusión entre todas as persoas do voso contorno para que participen e acheguen a súa opinión sobre o seu barrio e o seu distrito, a través da aplicación dispoñible neste enlace, que estará operativo ata o día 1 de novembro:


Coma sempre, agradecémosvos a vosa colaboración e o voso interese neste proceso participativo, que é só o primeiro de moitos, e nos que o Concello contará sempre, de xeito especial, co tecido asociativo desta cidade.

15 outubro, 2015

Obradoiro de Iniciación á Curtametraxe en galego

Fagamos cine!


Taller Práctico de Iniciación Á Curtametraxe, onde descubriremos o cine dende dentro.

Dirixido a: 5º e 6º de Primaria

Periodo de realización: Trimestral

Prazo de incrición: ata o 23 de outubro

Horario: martes e xoves de 17:00 a 18:00 horas

Custo: Gratuito

Inicio actividade: 27 de outubro de 2015

Inscricións a través de educacion@coruna.es ou solicitando o papel de inscrición no centro ou na ANPA



13 outubro, 2015

Cambio no menú do comedor


Lembrade que o menú de hoxe 13 de outubro será o seguinte:

- 1º Prato: Lentellas Caseiras

- 2º Prato: Pizza xamón e queixo

- Sobremesa: Iogur

05 outubro, 2015

Noite no colexio. Outubro 2015

O martes día 6 de outubro comeza o prazo para facer a inscrición para a Noite no colexio que terá lugar a noite do 29 de outubro. Este día será unicamente para os socios do ANPA Xanela.

Hai un número limitado de prazas e a inscrición será por orden de chegada, non podendo inscribir a máis de tres nenos/as por adulto que veña a facela.

Deixámosvos o formulario para a inscrición aquí. Podedes imprimilo e traelo cuberto.
Formulario

Lembra que hoxe, xoves 8 de outubro, estamos de 16:15 a 18 horas.

Anímate!!! 

Esta semana...


Xa tedes na axenda semanal o planning para esta semana.
A destacar:
  • Hoxe, o local da ANPA estará pechado a partir das 17:00 horas por mor das reunións que temos cos profesores dos nosos fillos
  • Mañá, martes 6 de outubro, comeza o prazo para a inscrición na Noite no Colexio. Só para socios
  • Comezo esta semana do resto de actividades que faltan por comezar 
Ver Axenda semanal 

02 outubro, 2015

Listaxes de Listen and Speak


Xa están na paxina web de Educacion do Concello as listaxes dos admitidos en Listen and Speak. (http://edu.coruna.es/)
  • Formouse un grupo de 16 a 17 horas (3º e 4º Primaria) e quedaron en lista de agarda varios nenos e nenas.
  • No horario de 17 a 18 horas (5º e 6º Primaria) formáronse dous grupos e tamén hai lista de agarda.
Se algún dos admitidos non vai ir é bo que o comunique canto antes ao concello para que poidan entrar os da lista de agarda.

Lembrade que as clases comezan o martes 6 de outubro.

Deixamos aquí o enlace ás listaxes do noso centro. (Ver listaxe)

01 outubro, 2015

Venres. Comezan novas actividades

Mañá comezan as seguintes actividades:
    • Ballet (17-18h)
    • Baloncesto (16-18h) 
    • Música e movemento (16-17h)
    • POE (16-18h)
    • Yoga (16-17h)
    • Xadrez (16-18h) 
Informamos tamén que o luns, 5 de outubro, o local da ANPA estará pechado a partir das 17:00 horas por mor das reunións que temos cos profesores dos nosos fillos.

Boa fin de semana!!!